قالوا ناس زمان

قالوا ناس زمان في الحياة ( شعر ) – الجزء 4

قالوا ناس زمان

قالوا ناس زمان مجموعة من الامثال الشعبية والحكم الرائعة من التراث المغربي الأصيل جمعناها لكم في هذا المقال على موقع حكمة عربية

ناس زمان قالوا قصيدة

إذا ملست ملس من طينك
                               لا ماجاش برمة يجي كسكاس
أخطيك من الدنيا و تبع دينك
                                و ما تتعداش على زرع الناس
إلي نساك متقولوش وينك
                                     و ما تحوسش على الناس
كول خبزتك بعرق جبينك
                                 برضاية والديك تعيش لاباس         
ماتحسدش قول ربي يعينك
                                      ما تنفعش لقرعة و الكاس
و يا وردة كان عجبك زينك
                             غدوة تكبري تمشي بين الأعفاس
ما تعورش بيدك عينك
                                عيش بكرامة متكونش لحاس
الذكريات توجع ما تضيعش سنينك
                           يقتلك الحنين و يموت الإحساس
إحفر بيرك بإبرة تعينك
                             و ما تطلبش من الرخيص فاس

قالوا ناس زمان عن الحياة

ما ينفعك في الضّيق غير ذراعك، 
وما يوكّلك الحلو غير صباعك..
 لي راح وخلّاك، يجي النهار ويتمناك، 
ما تقطع الواد حتى يبانو حجارو، 
وما تمشي في الليل حتى يطلع نهارو، 
وما تصاحب حدّ حتى تعرف خبارو .
لي أصلو تفاح عمرو ما يتلاح، 
ولي أصلو دفلى، عمرو ما يحلى 
يالوكان يندار في عسل النحلة.
ما تلعبهاش في الدنيا فاهم،
 راه لمخير فيها حيراتو، 
كون فيها مظلوم وما تكون ظالم،
 غدوة الواحد يبانو ورقاتو ،
مول الخير يروح منها سالم ،
وعمرها في امرو ما خيباتو

شعر ناس زمان :

المظلوم  ويطلب السماح *** اهل الخير قلالو
القاوي رافد السلاح *** والضعيف غاب هلالو
الفاس بالراس طاح *** العاقل زاد هبالو
لعزيز علينا راح *** العشرة هانت من بالو
همك يا دنيا ساح *** تلايم فوڨنا اجبالو
سري للناس تباح *** الصاحب غدر مالو
ياغايب عني ارواح *** فينا الخير ونسالو
الدنيا غابة واشباح *** مايبقى حال على حالو
الشاقي لازم يرتاح ***مهما ليام طالو

أشعار ناس زمان :

يا شاري النيف ما تسومش شحال
ويا قاصد الاصل مايهمكش المال
ما تقولش فلان حبيب حتى تعرف الخصال
ما يغركش الزين حتى تشوف لفعال
الوقت اذا فات ما يشدوه حبال
والريح اذا جاء مايصدوه اجبال
قلب الانسان اصبح بدال
يصبح معاك بحال ويمسي معاك بحال
مايسلك من غر الدنيا غير لي شبع منها ونال
ناس بكري يقولو الرجلة بحر والعوامة قلال 
عيب الارض في قلت لمطر 
وعيب الراجل في سكاتو
ولي يحمل الذل موتو خير من حياتو 

قالوا ناس زمان عن الصحبة :

كاين لي يبغيك حتا توالفو 
وكاين لي يتبعك على صوالحو
كاين لي يشفي فيك العدو
وكاين لي لسانو يجيك منه غير الحلو
وكاين لي يصيب يرميك في البير
وكاين لي يدير فيك الخير
وكاين لي يشوفك فرحان منك يغير 
وكاين لي يفرح معاك ويتمنالك غير الخير
وكاين لي يزيد عليك السم 
وكاين لي ينحي عليك الهم
كاين لي يقعد معاك حتى الموت 
وكاين لي يديك لفم الحوت
تضحكلو وانت فرحان وهو يشوف فيك وقلبو ڨطران
السابق
ثلاث إيجابيات للمدارس أحادية الجنس
التالي
يوما ما – أحمد خالد توفيق

تعليقان

أضف تعليقا

  1. عيب حتى الامثال الشعبية الجزائرية تسرقوها

    1. wise man قال:

      الأمثال الشعبية المغاربية لا يمكن ايجاد اصلها الحقيقي جزائري أو مغربي لأنهما في الحقيقة شعب واحد

اترك تعليقاً