امثال شعبية

قالو ناس زمان

قالوا ناس زمان مجموعة من الامثال الشعبية والحكم الرائعة من التراث المغربي الأصيل جمعناها لكم في هذا المقال على موقع اقوال وحكم بالعربي

واش جاب الصــوف للحـــرير واش جاب الخيل للحميـــر
النسـر كي يطيرالسـردوك يغيـر الله غالـب واحد يطيـر واحد يسـير
العودة عمرها ما تولد لبعير والحوت عمرو ما يكل الشعير
والرخيس عمرو مايستعرف بالخير يالو كان تڨعدو علي لحرير
الطير ما يطير بفرد جناح وبنادم برجل وحدة مايسير
ولكل باب يلزملو مفتاح والعبد الديوث ما يكون ليه التدبير
لي تعب يكون من حظوا للنجاح ولي ما جرب ما يعرف لدنيا تفسير
الملح يبنن الطعام والصح يبنن الكلام والرجلة ماهيش بالوشام
والرخيس ما يجوز فيه السلام الفحل يصايد النعام والجايح صايد الحمام
كلش يفوت وكل طير عندو صوت والصنارة هي لي تغدر الحوت والدنيا فانيا أخرتها.. موت.

ناس زمان قالوا:
ماتخالط ما تقول انا الغالط
ماتعاشر النحل ما تشكي من لسعاتو
احكي سرك للغريب حتى واذا محافظش عليه ينشرو بعيد على دوارك
ولا تحكي سرك للقريب كي ينشرو يجيبلك العيب لباب دارك
زين النساء في السترة
والراجل يتقاس بالهدرة
ومتحكمش على الناس بالنظرة
تحب تشرب الماء صافي شوف مجراه
ولا حبيت تحكم لغزال تبع خطاه
وعمرك لا تقول كلام وما تعرف معناه
لازمك كلام موزون وزيد ثبت معاه
لاعينك تصحب اصحب الراجل لفحل كي البارود ديما يخلي الدم يسيل معاه
خيار لكسيبة للخيل وتكون قادر على عشاهم وخيار لحباب الرجال وتكون تعرف معناهم وخيار الهواية البارود والصيادة حذاهم.
عيب النفس في كثر الخطايا وعيب العين من قلة النوم وعيب العقل في موت الخلايا وعيب الڨلب دسان الهموم وعيب الروح في خبث النوايا
الرجال يبانوا فالشدة وجه البارود اذا خرج مافيه ردة و الرجلة ماشي فالزندة والعظم عمرو ما يكون فالكبدة والجايح يخلع بالهدرة والدنيا فانية كيفها كيف الرقدة

إقرأ أيضا:قالوا ناس زمان من كلام الأجداد

فيديو : قالوا ناس زمان عن الحياة

السابق
أجمل اقوال جبران خليل جبران
التالي
بودكاست الفرق بين الحياة والموت

اترك تعليقاً