يجي الوقت النمل ياكل النمل،والباقي يهمل…والمرأة تحكم وراجل يتبهدل.
الدين يبيعوه والحرام يتبعوه..،وتكثر الأديان و يقل الماء في الويدان.
ويتخالفوا لعرب ما يبقالهم لا قيمة لا شان.
الطفلة وسط الرجال تبرح..وكي تتعرف على واحد أمها تفرح.
والراجل يرجع كي طفلة يغني ويبرح .
يجي جيل مجلجل، يقطع الكسرة بالمنجل،، ويشرب بالسطال، ويرقد الليل وماطال، ويقول مزال الحال.
ويجي جيل ماكلته نجارة،ولبسته خسارة،وهدرته دسارة.
الراجل يقلع لعمامة، والمرأة تقلع الكمامة؛ وروحي يا دنيا بسلامة..
والحق يتشنق والباطل يسبق ولي يقول كلمة الحق يتسمى أحمق…
ألبس قدك واسمع كلمة باباك وتبع سيرة جدك
